сямейнае свята «Кiрмаш «Багач»
23 лiстапада незвычайна мнагалюдна i ажыўлена было ў школе з самай ранiцы. У школу прыйшлi бацькi i дзецi. Яны прынеслi з сабой разнастайную агароднiну i садавiну. Усе падрыхтавалiся да сямейнага свята «Кiрмаш «Багач», якое павiнна бало адбыцца гэтым суботнiм днём.
Свята урачыста пачала намеснiк дырэктара па выхаваучай рабоце Квач Н.В. Праз некаторы час вучнi 7 «А» класа пад кiраунiцтвам настаунiцы беларускай мовы i лiтаратуры Бакач А.I. паказалi абрадавае восеньскае свята «Багач», якое вельмi спадабалася гледачам.Затым усе ўдзельнiкi i госцi свята накiравалiся ў школьную сталовую для падрыхтоукi i афармлення выставы «Падарункi восенi». I бацькi, i дзецi прадэманстравалi сваю багатуюфантазiю,надзвычайныя творчыя здольнасцi. Цiкава было назiраць за працэсам стварэння дзiвосных вырабаў. Былi тут i карэта з гарбуза, запрэжаная канём, зробленым з кабачка, i паруснiк з морквы з капуснымi ветразямi, i чабурашкi з вожыкамi, i шмат чаго iншага. Адным словам - свята ўдалося на славу!
